Mergullarse no casco antigo de Baiona e merodear polas súas rúas empedradas e estreitas proporciona sempre momentos agradables. No centro urbano, principalmente nas rúas inmediatamente posteriores ao porto, todo é harmonía: casas de pouca altura, nas que a pedra é o elemento principal, con columnatas formando reducidos soportais; casas rústicas, mariñeiras, con balconcillos de ferro labrado e altas xanelas con dobre folla cara ao exterior e postigos.

E, entre todas esas quellas, pequenas prazas imposibles de percibir máis que ao entrar nelas, como a do Pai Fernando, a de Pedro de Castro -presidida por un monólito que conmemora a arribada da Pinta- ou a ampla e aberta praza de Santa Liberata, fronte á capela da mártir baionesa.

O resto do rueiro son avenidas uniformes e coidados nexos urbanísticos entre a fachada marítima e o territorio que enfila ao monte, nos que os edificios modernos respectan as cores branco e cinza das casas centenarias ou máis antigas.

Fonte: baiona.org