É, probablemente, pola súa peculiar concepción, o monumento máis coñecido do municipio. Foi construído en granito sobre as rochas do monte de San Roque polo grande arquitecto porriñés Antonio Palacios, autor de edificios e arquitecturas destacadas de estilo modernista. A obra foi inaugurada en 1930, ten 15 metros de altura e representa a Virxe sostendo na súa man dereita unha barca-miradoiro á que se accede por unha escaleira interior de caracol realizada en pedra. A cara e as mans da Virxe son de mármore branco, obra de Ángel García, e a súa coroa foi construída en porcelana.

A carón do monumento levantouse máis tarde un parque recreativo de gran superficie, dotado de Vía Crucis, bancos e mesas de pedra, no que se celebra o último domingo de agosto a popular romaría dedicada á Virxe.

Horario: martes a venres: 15:30 -18:30 horas.

                 Sábados, domingos e festivos: 11:00 - 14:00 e 15:30 - 18:30 horas

                luns pechado

Prezo: 1' 5 €

Fuente: Baiona.org